قصيدة لاتعاتبني اتمنى الكل يدخل واتمنى تعجبكم

وقـت العتـب راح لاترجـع تعاتبنـي
مات الوفا والبقـا فـي راس وجدانـي

ماني مثل ما انـت خابرنـي وتحسبنـي
(....) الاول اصبـح واحـدا ثـانـي

خلاص مـات الهـوى لاتهـدم وتبنـي
تركتنـي ليـن جـا النسيـان نـادانـي

العـام ادوّر سبـب مـنـك يقربـنـي
واليوم ادور سبـب عشـان تنسانـي..

بعثرتنـي فـي هـواك اليـوم رتبنـي
نسيتني الناس شفني صـرت وحدانـي..

كان السهر في هـواك اللـي محببنـي
والحين حتى السهر يكبر علـى اجفانـي

اجيـك يمحينـي عتـابـي ويكتبـنـي
مافيه طـاري عتـب يمـر ماجانـي..

وارجع وانا اقول: وش للجرح جايبنـي
ادري بجرحك ولا ادري ويش ودانـي!!

عن صدق الاحلام جا الواقـع وكذبنـي
وعن فرح الايـام جـا حبـك وبكانـي

مليـت اشيـل الامـل والدمـع يغلبنـي
واقـول بكـره يجـي للشـوق يلقانـي

ويروح بكره واجـي والوقـت قالبنـي
وارجع على وحدتي واحزاني .. احزاني

بكيـتـك العـمـر كـلـه يامعذبـنـي
وشفيـك ماتبكـي الليلـه علـى شانـي

كتبـت ماهـو عشـان تقـول عاجبنـي
مليت مـن جزلـه وصـح الله لسانـي

انا وطن شعـر لـو شعـري مغربنـي
كتبت اجمـل جروحـي لجـل تقرانـي

خـلاص لاتتعـب وترجـع تعاتبـنـي
انا نسيتـك دخيـل جروحـك انسانـي

تسلم ادياتك

و صح لسانك

تسلم اخوي ع القصيده

شكرا ع الموضوع الرائع

مشكور عل شعر الجميل