بداية شاعرٍ او بعـض شاعـر
بشعري يوم اشوف الشعر حاير
اساير مهجتي في عيـون خلـي
واشوف الشعر من فرحته طاير
ألا يا خلي لـو اطلبـك طلبـه
تشوف الحب في عيوني يسايـر
وترحم لهفتـي وكثـر إشتياقـي
تبادلنـي حبيبـي بالمشـاعـر
ونرجع مثل ما راحـت ليالـي
انـام وفيـك عيونـي تساهـر
وصوفه لو تشوفـه مـا تعوفـه
تقول شلون توصفهـا الخواطـر
تكـرر نظرتـك منتـه بقـادر
سهوم رموشهـا هاجـم مغامـر
احايـل منّـه ومـنّـه ومـنّـه
سهومه ما تشـوف إلا المسايـر
رموشه مع جفونه شـي خيالـي
سواد عيونهـا شكـل الداويـر
بكيتـك ليـن ملتنـي عيونـي
وصدت عن مدامعها المحاجـر
يا ويلي كل ما شفتك يـا ويلـي
اشوف القهر في قلبـي يطامـر
ترى يا ليل لو ترحـل وتهجـر
ترى صاحبك عنك ما هو هاجر
يخاويـك الليالـي ثـم ليـالـي
ويجلس فـي مخاواتـك يعايـر
بكيت الوقت لين الوقـت ابكـى
صخور طويق خلاها عصايـر
جمعت الحب في صدري إلا ان
تحّبحّب مـن محبتهـا حوايـر
جمعت العشب في صدري إلا ان
تعّشب في محاجرهـا حناجـر
جمعت العشق في صدري إلا ان
تشكل مـن عواشقهـا كواسـر
جمعت الرعب في صدري إلا ان
انام الليـل مـا انسـاك ذاكـر
جمعت الخوف في صدري إلا ان
تشكـل غـدرك الاول خناجـر
حبيبـي حبـي الاول لـوحـده
احبك حـب مـا حبـه مغايـر
احبك تدري شو معنـى احبـك
احبـك حـب ماظنـه بصايـر
احبك كـل مـا هبـت هبايـب
على نسمات جـوي والمحـادر
احبك يـا بعـد كـل الصبايـا
اهيم في دنيتك وانسى المخاطـر
احبك كل مـا طـارت طيـورٌ
على غصني وصار الفكر جاير
تشوف الكل يـوم الكـل شافـك
حلاتك ما عليهـا مـن مخابـر
يا قلبي ليش تبعـد ثـم تنسـى
هواي إلي علـى حبـك يبـادر
ألا يا خلي لـو اطلبـك طلبـه
تشوف الحب في عيوني يسايـر
قصيدة سامـرت عنـي وقالـت
كلام القلب لـو قلبـي يضايـر
نهاية شاعرٍ او بعـض شاعـر
بشعري يوم اشوف الشعر حاير
الثلاثاء 27 مايو - 20:18
